Gaur, zapatua, Bilbon egingo duten manifestazioak futbolean ere eragina izan du, ohorezko erregionaleko partidu gehienak domekara atzeratu dituzte-eta. Mondrak eta Aretxabaletak domekan jokatuko dute Mojategin. Urte berria ondo hasteko asmoz zelairatuko dira bi taldeetako jokalariak, baina Mondrak du puntu premia handiagoa, Iban Rodriguezen mutilak azkenaurreko postuan daudelako, 11 puntu batuta. Aretxabaleta, berriz, zazpigarrena da, 24 punturekin.
Bergarak ere etxean jokatuko du, eta mahoneroek ere egunez aldatu dute, domekan 15:45ean hartuko dute Berio. Eta, Oiartzunera joango dira oñatiarrak, domekan baita ere (15:30).
Hemen asteburuko futbol hitzorduak.