Edurne Baltzategi Arizmendiko arduradunaren arabera, "bikaina" izan zen hitzaldia:"Zetabiko arkitektoen hitzaldiaren balorazio oso ona jaso dugu, ikasleak oso gustura egon ziren eta denek asko ikasi zuten. Material grafikoa, argazkiak, eta maketa birtuala oso esanguratsua, hitzaldi bikaina".
Bergarako parrokiaren eta Irizar jauregiaren birgaitze eta zaharberritze lanen hitzaldia izan zen atzo Arizmendi Ikastolan, eraikuntza zikloko ikasleendako bereziki baina baita edozein herritarrendako ere. Aztertutako gaien artean, honakoak: proiektuaren xehetasunak, planoak, argazkiak, maketa birtualak eta proiektuek nola funtzionatzen duten aztertu zuten. Horrez gain, eraikuntzan jardunean sortzen diren arazoak ere aztertu zituzten: hezetasunak, gainkargak, egurrezko habeen tratamenduak, fatxadaren arrakalak, pitzadurak... Zetabi arkitektura bulegoko Aitor Zubia izan zen hizlaria.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak