Bergararren diskografian bigarren lana da Diabulus in musika. 2008an argitaratu zuten lehenengo diskoa: Infer. Danbaka musika lehiaketako finala jokatu ostean egin zuten lan hura.
Disko berrian hainbat lagunen kolaborazioak izan dituzte: Aitor Gorosabel gitarra eta ahotsarekin pare bat kantuetan; Jon Gurrutxagak ahotsarekin lagundu du; Israel Santamariak teklatuak jo ditu; eta, Enrike Txurruka bergararrak pianoa.
Satan Ass haize taldea
Ibon Larrañaga, Asier Elortza eta Oihan Vega dira taldekideak. Zuzenekoetan, baina, lan kontuak tarteko Oihan Vegaren ordez Guille Sanz madrildarrak jotzen du bateria. Gainera, zuzenekoetan izaten duten bezala Satan Ass haize taldearen laguntza izan dute hainbat abestietan.