Bertan salatu zuen euskal presoei aplikatzen zaien kartzela politika “salbuespenezkoa” dela eta estatuek “gatazka politikorako baldintzatze-tresna gisa” erabili izan dutela. LAB sindikatuaren esanetan, estatuei dagokie urratsak egitea orain, baina denon erantzukizuna da horiek eginaraztea. Espetxe politika aldatzea eta euskal presoak Euskal Herriratzea eskatzen du eta aldarrikapen horren bozgorailu bihurtu gura ditu lantegiak. Sindikatuak bat egiten du urtarrilaren 7an Bilbon egingo den manifestazio deialdiarekin.
Sindikatuei gazte eragile eta elkarteek hartu die erreleboa gaur, martitzena.
Donostian hainbat eragilek atzo, astelehena, hasi zuten baraualdiarekin bat eginez, sindikatuek ekimenak egin zituzten Debagoienean ere. LABek, Arrasaten, herriko presoen inguruko informazioa banatu zuen lantegietan eta Seber Altuben; eta Bergaran, elkarretaratzea egin zuen iluntzean pilotaleku aurrean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak