Datu horiek adierazten dute 2010ean Euskal Autonomia Erkidegoan sortutako aberastasunaren 32
eurotik 1 euro Mondragonek egindako jardueretatik etorri zela, eta proportzio hori 14tik 1ekoa da
konparazioa industriara mugatzen bada.
Korporazioak jakinarazi duenez, Mondragonek EAEn eta Nafarroan sortutako 2.038 milioi euroko Balio Erantsitik 1.301 milioi Langile Gastuetara bideratu ziren, kooperatibetako eta enpresa elkartuetako bazkideen eta langileen etxeko ekonomietara zuzenduta. "Horrek ondorio mesedegarriak ekarri zituen bi erkidego autonomoetako kontsumoaren eta aurrezkiaren gainean", baloratzen du Mondragon Taldeak.
Industria inbertsioen %11,8
Industri inbertsioei dagokienez, 2009ko ekitaldiari buruz Eustatek egindako azken Industria
Inkestaren azken edizioari jarraituz, Korporazioko industri arloak urte horretan inbertitutako 208
milioi euroak Euskal Autonomia Erkidegoan egindako inbertsio industrial guztien %11,8 izan ziren.
Gipuzkoan, portzentaje hori 2009an lurraldean egindako inbertsio industrial guztien %29,3 izan zen.