Foru Gobernuak prentsa ohar baten bidez jakinarazi du "funtsezko adostasuna" dagoela bere proposamenaren gainean, eta "xehetasunak" bakarrik daudela lotzeko: "Foru Gobernuak, zerga sistema progresiboagoa eta ekitatiboagoa lortzeko bidean, oinarrizko proposamena egin zuen, eta bai PSE-EEk bai Aralarrek bat egin zuten proposamen harekin. Akordio hura da gaur egungo negoziazioaren oinarria". Behin betiko akordioa "datozen egunotan" egitea espero dute.
"Gipuzkoako Foru Aldundiak akordio horren oinarria progresibitatea eta ekitatea izango direla
nabarmendu nahi du, horiexek baitira negoziazio honetan lehenetsi beharreko alderdiak", gaineratu du.