Hego Euskal Herriko eta Espainiako langabezia tasak beste marka bat egin du, azaroan 59.536 langabe gehiago (+%1,37) erregistratu baitziren Espainiako Enplegu Zerbitzu Publikoan (lehengo INEM). Orain, 4.420.462 langabe daude erregistratuta. Gaur bertan eman ditu datuak Espainiako Lan eta Immigrazio Ministerioak.
Abuztua ezkero, gero eta jende gehiagok eman du izena Espainiako Enplegu Zerbitzu Publikoan; Euskadin, Lanbideko bulegoetan.
Langabe gutxiago nekazaritzan bakarrik egon da (2.571 langabe gutxiago, -%1,6). Batez ere, zerbitzuetan handitu da langabezia: 48.788 langabe gehiago izan du sektoreak azaroan (+%1,9). Gehien okertu den bigarren sektorea eraikuntza izan zen (5.769 langabe gehiago, +%0,7); aurretik enplegatu bakoak (4.161 langabe gehiago, +%1) eta industria (3.389 langabe gehiago, +%0,7).
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.