Debagoienera itzuli zirenean, Arrasaten eta Bergaran zain zituzten ehunka herritar, herri batzarrerako deituak izan zirenak. Aurretik, bai asteburuan eta baita egunean zehar ere, hainbat elkarretaratzea egin ziren Arrasaten, Bergaran eta Antzuolan, akusatuei elkartasuna adierazteko.
Bestalde, Bergarako Udalbatzak, astelehenean, mozio bat onartu zuen ildo beretik. Akusatuek eskertu egin zituzten jasotako elkartasun adierazpenak, baina presoekiko elkartasuna nabarmendu nahi izan zuten, "haiek direlako benetan behar dutenak", esan zuten.