"Afari horretara euskaldun zale ugari gerturatu ziren eta honek motibatu egin zituen euskara ikasten ari direnak, hitz berriak ikasiaz etab. Lagun batek aipatu zuen hurrengoan ere honelako ekintzak izaten direnean, mesedez pasatzeko abisua. Egia esan, afaria borobil irten zen" diote.
Bergarakoekin Donostiara
Bestalde, hurrengorako ere hainbat ekintza prestatu dituzte Bergarako Berriketan-eko berba-lagunekin batera, eta herritar guztiek izango dute aukera haiekin joateko. Abenduaren 6an Donostiara joango dira, egun pasa. San Telmo Museora bisita eta, ondoren, bazkaria egingo dute. Interesa dutenek deitu behar dute AEDra edo Jardunera.
Euskara praktikatu
Eta, azkenik, gogoratu nahi dute, urria eta azaroa bitartean Zahar-Berri programako partaidetza ia bikoiztu egin dela. Hori dela-eta, herritarrei mezu hau helarazi nahi diete: "Berba-taldeak osatzeko euskaldun zaharren laguntza beharrezkoa da. Eta, noski, euskara dohainik praktikatu nahi izanez gero, norbaitek astean ordu bete libre hartzea baleuka, dei dezala AEDra".