Amaiur legebiltzarkide talde barik?

Hainbat albistari digitaletan jasotzen denez, Amaiurrek zailtasunak izan ditzake talde parlamentarioa osatzeko. Izan ere, nahiz eta 7 ordezkari lortu Espainiako Kongresurako Hego Euskal Herrian, aurkeztu den bi barrutietan, hau da, Euskal Autonomia Erkidegoan eta Nafarroan, ez du lortu gutxieneko %15eko ordezkaritza. Hain justu ere, Euskal Autonomia Erkidegoan gainditu badu ere batez besteko hori, Nafarroan ez du lortu, muga-mugan geratu da-eta, %14,87rekin. Beste batzuek diote, EAEn gainditu duenez %15eko muga, nahikoa dela legebiltzarkide taldea osatzeko. Hori adierazi du, esaterako, Maite Aristegik Goiena telebistan. PPk gehiengoa duen Hauteskunde Batzordeak du azken berba kontu honetan.