Garitanorekin batera, Idoia Arantzabal Bilduko batzarkidea, Gizarte Politikako diputatu Ander Rodriguez, Larraitz Ugarte Mugikortasuneko eta bide-azpiegituretako diputatua eta Arantxa Ruiz de Larrinaga Herritarren Partaidetzarako zuzendaria egon dira Kulturateko areto nagusian.
20 urterako zorrak
Ahaldun Nagusiaren esanetan Aldundiaren egoera ez da bat ere ona. "20 urtetarako zorrak ditu eta guk ez duguna nahi da gehiago zorpetzea. Ezin dugu nahi duguna egin, egoera den bezalakoa delako. Horregatik, egoerari aurre egiteko, aldaketa fiskal sakona bultzatuko dugu".
Gipuzkoa Aurreraren amaiera
Gipuzkoa Aurrera egitasmoak zorrak utzi dituela eta, abenduaren 31n egitasmoa bera bertan behera utziko dutela iragarri du Garitanok. "Diru sarrerak administrazio desberdinen artean nola banatzen diren ikusita aldaketa bat proposatzen dugu. Batetik, Jaurlaritzari ematen diogun diru kopurua jaitsi nahi dugu, baita Espainiari ematen diogun kupoaren portzentaia ere".
Garitanok Aldundiaren egoera zein den eta aurrekontuak nola itxi dituzten azalduaz batera, Larraitz Ugartek Aldundiaren azken urteetako bilakaerari errepasoa eman dio. Ondoren herritarren txanda izan da. Horretan, herritar batek aurrekontu horiek aurrera ateratzeko gutxiengoa dutela gogora arazi die agintariei.
"Gutxiengoan?"
Galdera edo iradokizun horren aurrean, Garitanok honela erantzun du: "Gutxiengoa? EAJk ere Bizkaian 22 diputatu ditu eta egoera berberean gaude gu. Gainera, diru gutxi dagoenean, ez dago non eztabaidatu. Eztabaida diru asko dagoenean sortzen da. Diru gutxirekin aldiz, ez dago nondik kendu eta ondorioz proposamenak errazago onartzen dira".
Bilerara joan direnen artean Elgetako, Eskoriatzako, Antzuolako, Oñatiko, Bergarako eta Arrasateko alkateak zeuden, beste elkarte eta eragile askotako kideekin batera.