Mondragon Unibertsitateak aditu titulu bat sortu du, Komunikazioa erakundeetan, zuzendua lanean diharduen jendeari eta lizentziadun berriei. Zortzi hilabete iraungo du, eta erabat praktikoa izango da. Matrikulatzeko epea azaroaren 30ean amaituko da.
Aditu tituluaren helburua da ulertzea komunikazio paradigma berriak eta horiek erakundeetan duten eragina eta prestatzea ikasleak erakundeetako komunikazio jarioa bideratzeko. Zuzenduta dago, bestalde, lanean dabiltzanei enpresa, elkarte eta erakundeetan, batez ere komunikazioan.
Aditu titulu hori urte batean euskaraz emango da, eta hurrengoan, gaztelaniaz. Hasteko, lehenengo edizio hau euskaraz abiatuko da. 2012ko urtarrilaren 12an hasiko da, eta 8 hilabete iraungo du. 2012ko irailaren 27an amaituko da, ikasleek egindako proiektuak aurkeztu eta gero. Argibideak hemen.