2008ko ekainean krisia heldu zenetik hona hartu diren erabakiek ezer onik ez dutela ekarri dio sindikatuak. "Langileriari etengabeko murrizketak, langabezia eta lan baldintzak okertzea ekarri die erabaki horiek. Ezer berririk ez digute ekarri eta langileon egoera ez da ezer aldatu".
Bide beretik, egoerari buelta emateko orain arte mahai gainean jarri diren alternatibak edota irtenbideak "gezurrak" izan direla dio LABek. "Eskubide laboralak zapaldu, gastu soziala murriztu, diru publikoa bankuei oparitu, hezkuntza, osasuna et apentsioak pribatizatu,… Sistemak sartu gaituen zulotik ateratzeko balio ez duten errezetak eskaini dizkigute ". Irakurketa horren aurrean, sindikatuak "alternatiba bideragarrien" alde egin du.