Antzuolako eredua eskualde osora zabaltzea da Udalen nahia. Mankomunitateko presidenteak berak, Inaxio Azkarraga-Urizarrek, konfirmatu du Udalek hilabeteak daramatzatela helburu horrekin lanean: 2013rako atez ateko zabor bilketa selektiboa Debagoiena osora zabaltzea eta %90eko birziklai maila gainditzea. Helburua bete ala ez, Epelen (Arrasate) eraikitzekoak diren transferentzia eta konpostai instalazioen lanek esango dute.
Epeleko instalazioak datozen hilabeteetan egiten hasi eta urtebeteko epean egongo lirateke prest eta, hori eginda, zabor bilketa sistema berriari ekingo liokete udalerriek. Debagoieneko alkate eta zinegotziek atzo Azpeitiako Lapatxeko konpostai instalazioetara eginiko bisita eta gero jakitera emandakoa da hori. Aurreko Mankomunitateko lantaldeen asmoen arabera, bilketa sistema berrian sartzen hurrengoak Bergara eta Elgeta izango lirateke baina hori ere alda daiteke eta Oñatik aurrea hartu.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.