Eskutitz pertsonalizatua jaso dute etxean adin tarte horretako gizon eta emakumeek, informazioarekin eta kaka lagina hartzeko kitarekin. Gutuna jaso eta hiru eguneko epean lagina eraman beharko dute euren anbulatoriora eta han dauden kutxatan utzi. Testaren emaitza positiboa denean, familia-medikuak kolonoskopia egiteko proposatuko du, diagnostikoa konfirmatzeko. Aldiz, emaitza negatiboa bada, mediku endoskopistak berak adieraziko dio emaitza pazienteari.
Bigarren hilkorrena
Kolon eta ondesteko minbizia da herrialde garatuetan hilkortasun handiena sortzen duen minbizi mota, baita EAEn ere. Gizonen artean hilkortasun handiena sortzen duen bigarren minbizi mota da, prostatako minbiziaren ostean, baita emakumeengan ere, bularreko minbiziaren ostean.
Oñatin erantzun bikaina izan zuen
Oñatin erantzun bikaina izan zuen kolon eta ondesteko minbizia aurrez detektatzeko kanpainak. 2.500 gonbidapen bidali zituzten gutun bidez, eta 1.831k (%73,3) egin zuen proba. Horietatik 118 emaitza positiboak izan ziren. Hori horrela, 105 kolonoskopia egin zituzten, eta haietan garapen ezberdineko 65 polipo antzeman zituzten. Dena den gehienak (60) gaiztotu bakoak ziren. Arrisku handiko 27 adenoma topatu zituzten eta bost kartzinoma.