Ibarreko gainontzeko herrietako korrikalariekin batera Euskal Herriko lasterkari asko etorriko dira gaurko probara, eta baita patinatzaileak ere, aurtengo berritasuna. Alde horretatik, seguru Bergarako Hanka Labankako koadrila polita egongo dela. Eta adi, baita ere, denborei, iaz Asier Cuevasek 36 minutu pasatxoan egin zuen lasterketa. Jakin, baita ere, egunean bertan ez dela izenik emateko aukerarik egongo.
Autobusa egongo da
Antxintxiketaneko lagunek gogorarazi zuten irteera eta helmuga lekua herri desberdinetan daudenez parte-hartzaileei gauzak errazte aldera, autobusa jarriko dutela Oñatitik Arrasatera; lasterketa hasi baino ordubete lehenago egongo da autobusa. Eta erabiltzen dutenek, 2 euro gehiago ordaindu beharko dute.