Exporta izeneko lerroak 100 milioi euroko poltsa dauka, eta atzerrian lanean hasteko edo lana garatzeko proiektuak babesten eta finantzatzen ditu. Implanta izeneko lerroak ditu beste 20 milioiak, eta atzerrian merkataritza eta produkzio proiektuak finantzatzen ditu.
Txinan, Indian, Marokon…
Iaz, bi erakundeok 70 milioiko dotazioa onartu zuten Gipuzkoako enpresei atzerrira irteten laguntzeko. Adegiren esanetan, internazionalizazioa "enpresen lehiakortasunerako gako bat eta Gipuzkoaren erronka nagusietako bat da".
Lehen diru-laguntza horri esker, Gipuzkoako 53 enpresak 102 milioi euroko internazionalizazio proiektuak finantzatu dituzte, eta antolatzaileek diotenez, aurreikuspenak %50ean gainditu dira, "Gipuzkoako enpresen harrera ezin hobeari esker".
Zehazki, Exporta lerroaren bidez 91 milioitik gorako 48 ekintza finantzatu ziren Txinan, Indian, Aljerian, Turkian, Marokon, Tunisen, Alemanian eta Frantzian, besteak beste; eta 11 milioitik gorako bost ekintza Implanta lerroaren bidez, Txinan, Indian, Brasilen eta Marokon, besteak beste. Bi lerroen artean daude makina-erreminta, forjatze, paper, motor, altzairugintza, eta automobilgintza eta elektrizitate-osagaien sektoreak.