Urteko KPI tasa lehen aldiz handitu da irailean, lau hilabetean txikitzen joan eta gero. INEren esanetan, erregaiak, lubrifikatzaileak eta tabakoa garestitu direlako handitu da KPIa.
INEk gogorarazi du datu horiek aurrerapen bat direla, eta aldeak egon daitezkeela behin betiko datuekiko, urriaren 11n argitaratzen direnean.
Tabako enpresa handienek euren marka nagusien prezioak handitu egin dituzte uda eta gero, tabakoaren gaineko zergak garestitu egingo ziren beldur. Azkenean, zergak ez dira garestitu, baina.
KPI armonizatua, bestalde, %3an geratu da, abuztuan baino hiru dezima gehiago. KPIA neurgailua Europako Batasuneko herrialdeen eta Batasunetik kanpokoen arteko konparaketa egitea ahalbidetzen du.