Gipuzkoako 162 enpresa izango dira 2011 Industria eta Teknologia Gailurrean. Enpresek hainbat arlotan duten eskaintza berria plazaratuko dute: fundizioa, mekanizatzea txirbil-harroketaz, txirbil-harroketa bako transformazioa, makinagintza, galdaragintza astuna, artikulu erregogorrak, kodifikazioa, markaketa eta identifikazioa, kautxua, egitura metalikoak, moldeak, ereduak, matrizeak eta puntzonaketak, azaleko estaldurak, plastikoak, subkontratazio-produktuak, robotak, tresneriak eta erremintak, tratamendu termikoak eta beste batzuk.
Euskal Herriko eta kanpoko 888 enpresa izango dira BECen eta, antolatzaileen esanetan, horrek negozio-topaketa aukera onak ematen ditu.
Eskaintzaren %30 Frantzia, Italia, Portugal, Alemania, Maroko, Tunis, Erresuma Batua, Txekiar Errepublika eta Txinatik dator, beste herrialde batzuen artean.