Argazki horiek munduko toki ezberdinetan ateratakoak dira, gainera: Euskal Herriko bazterrak, hango eta hemengo hondartzak, Europako herrialdeak eta Afrika zein Asiako txokoak ageri dira erretratuetan. Zehazki, Kenia eta Hego-ekialdeko Asiako herrialdeak ageri dira aurtengo argazki askotan.
Irabazleak, urriaren 3an
Argazki horiek epaimahaikideen eskuetan daude orain eta eurek erabakiko dute zeintzuk diren hiru argazki onenak. Lehiaketara aurkeztutako argazkiak argitaratuko dira Goiena paperean astero eta Goiena.net-en horretarako propio irekitako blogean. Urriaren 3ko paperekoan argitaratuko dira azkeneko argazkiak eta egun horretan aditzera emango dute irabazleak.
Hiru sari potolo daude aurten: lehena, Panasonic argazki kamera bikaina eta argazkilaritza ikastaro baterako %50eko deskontu bonoa, Bergarako KB PhotoEstudio argazki dendak emana; bigarrena, astebukaera pasa bi lagunendako Kantabrian, Arrasate Bidaiak-ek emana; hirugarrena, berriz, bi lagunendako Gure Ametsa jatetxean bazkari edo afaria.