Zapatuan egindako V. Kongresuan, Arralarreko militanteek onartu egin zuten azaroaren 20an Bildu koalizioa osatzen duten kideekin batera aurkeztea. Aurretik alderdiaren zuzendaritzak hartutako erabakia berretsi zuten militanteek; botoen %71ren babesa jaso zuen zuzendaritzak aurkeztutako proposamenak.
Horren harira, Aralarreko Gipuzkoako batzarkide Rebeka Ubera elgetarrak kongresuaren balorazio positiboa egin du: "Oso balorazio positiboa egiten dugu, berretsi eta indartu zelako ponentzia ofizialaren ildo politikoa. Horretan, besteak beste, hauteskundeari begirako proposamenak jasotzen dira".
Kongresuari buruz honakoa esan du: "Oso eztabaida sakona izan zen, errespetu handiarekin egindakoa gainera. Bereziki hauteskundeez jardun genuen horretan".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.