Erabaki horren eragingarritasuna Kutxa, BBK, Vital, eta Banco BBK SAU-ren Akziodun Bakarraren Batzar Nagusiek bateratze operazioa onartzearen menpe gelditzen da.
Garitano, langileek kontsulta egin dezaten alde
Bestalde, Martin Garitano ahaldun nagusiak adierazpen bat egin zuen administrazio kontseiluek hartutako erabakia jakindakoan. Batik bat, langileei zuzendutako mezua izan zen: gogorarazi zuen akordioaren barruan "hitzez hitz" jasotzen dela negoziazio kolektiboari buruz langileek hartzen duten erabakia errespetatzeko konpromisoa"; bere iritziz, "ELAko eta LABeko ordezkariek Arabako, Bizkaiako, Nafarroako eta Gipuzkoako langileek kontsulta egin dezaten luzatu duten proposamena metodo zuzena eta demokratikoa" dela, baina hiru kutxek ez zutela proposamen hori onartu. Horren aurrean, Garitanok "babesa" agertu zien langileei "kontsulta egin dezaten, finantza erakunde berriak, Bildurekin afera honi dagokion konpromisoaren baitan, langileek hartzen duten erabakia errespetatuko duela sinetsita".
Azkenik, publiko egin zuen bere eta Bilduren "konpromisoa, kontsulta lehenbailehen gauza dadin eta etorkizuneko Kutxa Bankeko zuzendaritzak emaitza errespeta dezan, orain gutxi kiru kutxetako lehendakariek Bildurekin adostutakoaren norabidean".