Erabaki honekin, aurreko agintaldian EAJ, H1! eta PSE-EEren aldeko botoekin onartu zen foru araua geldiarazi edo bertan behera laga nahi du Aldundi berriak. Azkeneko hauteskundeen ostean, Bildu, PP eta Aralar —gehiengo Batzar Nagusietan— daude Gipuzkoako errepide nagusietan bidesariak ezartzearen aurka.
Bilduren Foru gobernuak agintaldian egiten duen lehen Diputatuen kontseiluaren ostean esan ditu berbok Aldundiko bozeramaile eta Mugikortasun eta Bide-Azpiegiturako diputatu Larraitz Ugartek.
Egoera ekonomikoa
Bestalde, 2012ko aurrekontuaren zirriborroak marraztu ditu. Hain justu ere, hurrengo bi urteotan, Foru aldundiaren zorra murriztea dela helburua esan du. "1.700 milioi euroko zorra murritzeko, 48 milioi euroko zorra" hartuko duela esan du Ugartek. Era berean, aurreko Foru gobernuak (EAJ-H1!) “ausartegi edo zuhurtzia gutxirekin” jokatu zuela esan du. Eta ogasun politikan aldaketak ezartzearen alde agertu da "gehien dutenek gehiago ordain dezatela", alegia.
Gipuzkoako ekonomiak aurten %3,6 haziko dela aurreikusi du Foru aldundiak eta garraiobide publikoen gainean, Txartel bakarra Euskotrenera eta Renfera zabaltzearen aldeko agertu da, aurreko Foru gobernua bezala. "Epe laburrean" hori errealitate izango dela esan du.