Eskoriatzan, berriz, Zubiate labeak, Euskal Herrian gordetzen den zeramika labe adibide onenetakoak, dagoeneko izan ditu hainbat bisita. Horren harira, esan beharra dago jende dezente ibili dela abuztuan Eskoriatzan. Ibarraundi museoko Eneritz Zubiak jakinarazi digu, besteak beste, Gernika, Valentzia, Madril eta Cuencatik iritsitako bisitariak izan dituztela han, eta museoa bisitatzeaz gain, Eskoriatza eta bailarako turismoari buruz galdetu zutela.
Abuztuko bisitariekin pozik dauden arren, Zubiak gaineratu du uztailean oso bisita gutxi izan zituztela. Gehienak Sanpedrotan jaien harira jarritako erakusketan izan ziren.
Orain, irailean sartu berritan, lanera edo ikastera itzultzeko ordua dela ere nabari da turismo aldetik Debagoienean; izan ere, azken egunotan asko jaitsi dira kanpotik datozenen bisitak gurean.