Irizar dagoeneko protagonista izan da, 3. etapan, Petrer eta Totana artean. Ihes eginda ibili zen Lastras –irabazlea–, Frantziako txapeldun Chavanel eta Pydgornyyrekin batera. Hirugarren izan zen helmugan oñatiarra.
Irailaren 10eko etapari dagokionez, Bilbotik Eibarrera joango dira. Handik Karabieta igoko dute, eta Elgetatik pasatu ostean Bergararantz joko dute, Uberatik. Lehen mailako Elosua mendatea igoko dute, eta, Zumarragatik pasatu ostean, 93. kilometroan Deskarga igo beharko dute. Handik Antzuolara jaitsiko dira eta gero Kanpanzarko mendatea igoko dute, Epeletik. Helmuga, esan bezala, Gasteizen izango da, baina aurretik lehen mailako Urkiolako mendatearen malda gogorrei egin beharko diete aurre ziklistek.
(Argazkia: Sirotti)