Kutxak jakinarazi duenez, Iturbe presidentearen esku utzi zuen erabakia, eta helburua hauxe zen: "interes-talde guztiekin eta Kutxako organo gorenean ordezkatuta dauden kolektiboekin" izaten ari den "harreman eta negoziazio prozesuaren garapena aintzat hartu" zitezen.
Bildu: "Modelo soziala izan daiteke"
Deialdi hori abuztuaren 12an izan zen, eta bezperan, Xabier Iturbe Bilduko buruzagiekin batzartu zen. Bilduk bere proposamena jakinarazi zion Iturberi, "onartu nahi den proiektuak adierazten duen bezala %49ra arteko pribatizazio aukera tentazioa itxi dezan". Koalizioaren ustez, "euskal Kutxak pribatizaziotik urrun eta herri honentzat modelo soziala eskainiko duen euskal Kutxak egiteko aukera dugu aurrean".
Koalizioak azpimarratu zuen proposamena ez dela Kutxarentzat bakarrik egiten, hiru Kutxentzat dela, beraz, presidente guztiei dei egin die adierazitako konpromisoak bermatzeko beharrezko aldaketak adosteko prest egon daitezen.