Madrilen sortu dute ekimena eta gainerako erkidegoetara zabaltzea gura dute. Lehen Arretako Pediatria Behatokia edo Observatorio de Pediatría de Atención Primaria sortu dute. Helburua da pediatren beharrak identifikatzea eta soluzioak eskaintzea. Gainera, figura berria asmatu dute; pediatria koordinatzailea.
Pediatria zerbitzu publikoaren inguruan hainbat kexa zabaldu dira azkenaldian. Zer esana ematen ari da pediatra eskasiak, pediatrian espezializatutako erizain faltak zein pediatra bakoitzari egokitutako haur kopuruak.
Baliabide berriak
Amyts sindikatuaren eta Madrilgo Pediatria Elkartearen ekimenez sortu dituzte elkartea eta figura berria. Helburua da profesionalen artean ikerketak eta inkestak egitea eta egoera zuzentzeko ideiak proposatzea.
Erkidego Autonomo ezberdinen artean alde handiak daudela nabarmendu dute egindako lehenengo neurketan, baina orokorrean premiazko arazoak antzerakoak dira. Pediatria falta, pediatrian espezializatutako erizain falta eta haur kupoa.
Madrilen, bestalde, figura berri bat sortu dute; pediatra koordinatzailea. Bere lana izango da kolektiboaren isolamendua gainditzea eta interesak defendatzea
Neurketaren emaitzak
Elkarte berria lehen neurketa bat egin du elkargo autonomo ezberdinen egoera identifikatzeko. Baita lurralde bakoitzeko puntu beltza zein den ere.
Euskal Autonomia Erkidegoari dagokionean badirudi gainditu beharreko lehen puntu beltza espezializatutako erizain falta dela. Plazen %30-50 pediatrian espezializatu gabeko erizainen eskuetan dago. Nafarroan egoera hobea da, izan ere plazan %70-90 dago espezializatutako erizainen eskuetan.
Pediatria plazei dagokionean, Euskal Autonomia Erkidegoan plazen %81 dago formazio pediatrikoa jaso duten espezialisten eskuetan. Pediatria titulaziorik gabeko profesionalen eskuetan dago plazen %19. Puntu honetan, Nafarroak emaitza eskasagoak ditu; plazen %23 dago titulazio pediatrikorik gabekoen eskuetan.
Eskaera gurasoei
Emaitza horiek ezagututa pediatra elkartetik gurasoak animatzen dituzte euren umeendako espezializatutako arreta exijitzeko.