Adibide moduan jartzen dituzte 'galdu egin naiz', 'lan bila nabil' edo 'hemen inguruan bizi al zara' bezalako esaldiak. Horren harira, ohartarazi dute baserritarrekin hitz egin nahi dutela informazioa lortu eta gero bertan edo inguruko baserrietan lapurreta egiteko, eta hori dela-eta, inguruan bizi direnen gaineko informazioa ez emateko gomendatu dute.
Horretaz gainera, etxean egonda ere, leihoak eta ateak itxita izatea agintzen du diptikoak. Horrekin batera, gogorarazten dute 112 larrialdietako telefono zenbakia uneoro dagoela eskura.
Esperientzia pilotu hori oraingoz Durango eta Gernika aldean egingo dute, eta hitzaldi informatiboak eskaintzean eta diptikoak banatzean datza. Horretaz gainera, Ertzaintza patruilen eta bizilagunen arteko komunikazioa bultzatu nahi dute.
Hemen, Ertzaintzak argitaratu duen orria, hainbat aholkurekin:
