Xabier Lete euskarazko nazioarteko I. poesia saria antolatu du Aldundiko Kultura eta Euskara Sailak

Xabier Lete poetaren memoria denboran manten dadin antolatu du Foru Aldundiak sariketa. Lehenengo poesia saria izango da, eta edonork parte har dezake. Euskaraz idatzitako lan originalak eta argitaratu gabeak izan behar dute. Lanak gai librekoak izango dira eta 800 lerro izan beharko dute, gutxienez. Lanak helbide honetara zuzendu beharko dira: Koldo Mitxelena Kulturunea, Urdaneta Kalea 9, 20006 Donostia, eta Gipuzkoako Foru Aldundiaren erregistro bulego propio nahiz itunduetan aurkeztu behar dira.