Gipuzkoako Mendi Federazioko langileak martitzenean hasi ziren Intxortako ibilbide tematikoan gezi formako seinaleak ipintzen. "Ibilbidea balizatuta dago eta lasai asko egin daiteke seinale zuri-berdeak jarraituz", adierazi du Gipuzkoako Mendi Federazioko teknikari Urdin Elortzak. "Seinalizaziorekin amaitzeko geziak eta Herriko plazako panela ipini behar ditugu".
Bi ibilbide homologatu
Ordubeteko ibilbidea da, bisitaria herrigunetik abiatu Asentzioko lubakietaraino eraman eta Salbador ermitatik bueltan herrira ekartzen duena. Ibilbidea hobeto seinalitzatzeko ipiniko dira geziak; material sintetiko batekin egindakoak dira.