Josu Garai arrasatearrak irabazi du Argizaiola argazki saria

Euskal Herriko argazkilarien artean altxorrik preziatuena irabazi du Josu Garai argazkilari arrasatearrak: 'Argizaiola Saria'. Garaik 'Senegal' izeneko argazkiarekin irabazi du lehiaketa. Argazkian Senegaleko mutikotxo bat azaltzen da, kotxe baten leihatilatik barrualdera laguntza eske eta etsipenez begiratzen duena. Autoaren barruan, gizon heldu batek beste alde batera begiratzen du, umearen deiari kasu egin gabe. Une horrek duen indarra eta bere baitan daraman mezu gordina txuri beltzez azaldu ditu Garaik, kontra-argian.