Galvez eta Etxezarreta gaurko saioaren erdigunean izan dira, protagonista bihurtu dira eta EAJko batzarkideek epelak bota dizkiete. Botoaren truke, hainbat erakundetan lanpostuak ziurtatzea eskatu dizkiotela ezagutzera eman dute, besteak beste. Akordio programaren gaineko eskaeren ordez beste eskaera batzuk egin dizkiotela adierazi dute jeltzaleek, EB-Berdeak-ekoen inguruan.
PPren eta PSE-EEren 25 botorekin aukeratu dute Arabako Batzar Nagusiek Arabako ahaldun nagusi berria: PPko Javier de Andres. Bigarren bozketan aukeratu dute, lehenengoan erabateko gehiengoa lortu ez duelako. EAJren hautagaiak, Xabier Agirrek, azken lau urteotan ahaldun nagusia izan denak, 24 boto lortu ditu, beren alderdiarenak eta Bildurenak (11). Ezker Batuak-Berdeak-eko bi batzarkideek, beren hautagaiari, Nerea Galvezi, eman diote botoa, hilabete luzez EAJrekin negoziazioetan ibili ostean akordiorik lortu ez dutelako. EB-Berdeak-ek hartutako bideak, PPri egin dio mesede, EAJri beharrean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak