Foroa 09:00etan hasiko da, eta Korporazioko Kontseilu Orokorreko lehendakari Jose Mari
Aldekoak parte hartuko du, Mondragonen etorkizunaren bisioa, erronka eta estrategiak hitzaldiarekin.
'Best seller' egilea enpresa munduan
Ondoren, nazioarteko hizlari Raul Peralbak hitz egingo du, birposizionamendu
estrategikoaren kontzeptua azaltzeko. Eta geroxeago Jack Trout mintzatuko da, mundu osoan
estrategiari buruz aditurik entzutetsuena eta "posizionamenduaren" gurasotzat jotzen dena.
Bere argitalpenak best seller izan dira, eta testu liburuak dira unibertsitateetan eta negozio
eskoletan. Hitzaldian "hiperlehiakortasunaren aro honetan estrategia lehiakorrak jokatzen duen
rola" azaltzen saiatuko da, azaltzen du Mondragon Korporazioak.
Amaitzeko, giza adimenaren eta ikaskuntzaren ikerlari gorenetakoa den Mario Alonso Puigek
(Fellow Medikuntzan eta Kirurgian Harvardeko Unibertsitatean) lidergo partekatuaren bitartez
bisio partekatua nola sortu azalduko du.