Mendizabalek galdu Elgetako finalean, Ezkurdiaren kontra (22-15)

Julen Iriondo 2011ko uztailaren 2a

Antzuolako pilotariak ez zuen bere joko onena atera eta ezin izan zuen Elgetako lau t'erdiko txapelketako finala irabazi. Partidu erdira arte nahikoa parean izan ziren bera eta Ezkurdia, baina gero gehiago izan zen gorria.

Hau zuen Mendizabalek amateur mailako azken partidua, uztailaren 17an profesional moduan debuta egin baino lehen. Ez zuen bere arma onenetakoa den bolearekin ohi beste asmatu eta partidu hasieran sakearekin egindako bi faltek ere eragin zioten. Kadete mailako finalean Tolosak 22 eta 13 irabazi zion Altunari.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak