Realeko zaleek uztailaren 8tik aurrera eskuratu ahal izango dituzte kamisetak eta beste produktu batzuek osatzen duten bilduma berriaren produktuak. Egun hori iritsi arte Realaren denda ofiziala, Anoetako Estadioan kokatuta dagoena, itxita egongo da egingo diren moldatze eta dekorazio lanak direla-eta.
Egun horretatik aurrera, lehen ekipazioko 2.300 kamiseta, bigarreneko 1.500, entrenamenduko arropa, paseatzeko arropa eta osagarri guztiak eskura egongo dira soilik Realaren denda ofizialean. Estadiokoa ez da izango denda ofizial bakarra, Realak beste bat irekiko baitu Donostiako erdialdean hurrengo irailean.