Antolatzaileak, Bergarako Igeri Elkartekoak, oso pozik daude zelan joan den guztia: Gipuzkoa osoko 214 igerilari batu ziren, 14 ekipotan banatuta, lau kategoriatan: umeak, juniorrak, seniorrak eta promesak. Horietatik 24 debagoiendarrak ziren, 16 neska eta zortzi mutil, kategoria guztietakoak. "Dena oso ondo irten da eta emaitza onak lortu dituzte igerilariok", diote antolatzaileek.
Gipuzkoako honako taldeak etorri ziren: Donostiatik bi talde, Fortuna eta Easo; Zarautz, Ordizia, Hernani, Azkoitia, Azpeitia, Eibar, Irun eta Hondarribia (Bidasoa), Bardulia, Oarsoaldea, Tolosaldea eta Buruntzaldea.