Sei haur etorriko dira Oñatira, hiru Bergarara, bi Arrasatera eta beste bi Aretxabaletara. Chernobil Elkartearen bitartez etorri dira horietako sei eta gure artean daude dagoeneko; atzo, astelehena, iritsi ziren. Gainontzeko zazpiak, ordea –Oñatira datozen seiak eta Bergaran egongo direnetako bat–, etzi, eguena, helduko dira Oñatira, Banoia Chernobilekin elkartearen bitartez.
Oñatikoa da azken elkarte hori eta bertako ordezkari Arantxa Zubiak kontatu digu sekulako mesedea egiten diela gure arteko egonaldiak: kolorea izugarri hobetzen zaiela eta pisua irabazten dutela.
Chernobilgo neska-mutikoek ez ezik euren gurasoek ere izugarri eskertzen dute Euskal Herriko familien ahalegina; baina boluntarioek pozik egiten dute egiten dutena, horren adierazgarri da gehienek errepikatu egiten dutela.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.