MST duela 25 urte sortutako giza mugimendua da eta bere barruan 350.000 familia batzen ditu. Erabiltzen ez diren lurrak berrerabiltzea, nekazaritzaren erreforma eta giza eskubideen berreskurapena dira, besteak beste, mugimenduak dituen helburu batzuk.
Mugimenduak Lanki eta Mundukiderekin batera egin ditu bisitak.
Mundukidek eta Lankik, Esperientzia Kooperatiboa barrutik bizi dutenez, makina bat esperientzia dituzte MSTrekin lotutako eskualde ezberdinetako gizon eta emakumeekin partekatzeko.Horrela, bidelagun onak dira, erakunde indartsuagoak eraiki, giza eta natur baliabideak hobeto erabili eta inguruko giza eraldaketaren alde lan egiteko.
Ondokoak izan dira bertora etorri diren MSTko kideak:
- Jose Alberto, MSTko buruzagi nazionala. ATESeko komunikazioa eta zuzendaritza arduraduna.
- Gileno Damscena, ATESeko Foormazio arloko koordinatzailea. Ingeniari agronomoa.
- Manoel Antonio, ATESeko asistentzia teknikoko koordinatzailea.
- Jose Wilson, asistentzia tekniko arloko langilea.