22 urtez azpikoetan Beñat Rezusta bergararra finalera sailkatu zen martitzenean jokatutako finalerdian, Victor errioxarrarekin batera 22-21 irabazi zieten Jakari eta Irustari. Rezusta eta Victor erraz aurreratu ziren (17-10), baina izugarri kosta zitzaien partidua irabaztea, kontrarioak aurretik ere egon ziren-eta markagailuan (18-19).
Mendizabal, nagusietan
Nagusiek 20:30 inguruan hasiko dute finala, eta Mendizabal badabil poliki-poliki Bergarako pilotalekuari gustua hartzen. Duela hilabete gutxi Lau t'erdikoa irabazi zuen Bergaran, eta astelehenean ere txapela janzten ahaleginduko da, Irureta bikotearekin batera; finalean Untoria (Errioxa) eta Larrañaga (Azpeitia) izango dituzte aurrean.
Martitzeneko finalerdian antzuolarrak eta Iruretak txarto hasi zuten partidua; 6-7 tanto atzetik joan ziren, baina garaiz eman zioten buelta partiduari.