Bergarako alkateak, agintaldiko azken Osoko Bilkuran, astelehenean, adierazi zuen Udalaren zorpetze mailaren gainean, agintaldi honetan, 1,5 milioi eurotan murriztu dutela zorra. Gipuzkoako Diputazioko datuak erabili zituen hori esateko.
Osterantzean, Espainiako Ekonomia Ministerioak eman ditu aditzera udalerrien zorraren gaineko datuak. Horien arabera, honako kopuruak zor dituzte bailarako udalek (kopuruak eurotan):
- Antzuola: 2.448.000
- Aretxabaleta: 0
- Arrasate: 5.074.000
- Bergara: 10.176.000
- Elgeta: 1.029.000
- Eskoriatza: 2.265.000
- Leintz Gatzaga: 0
- Oñati: 4.042.000
Ekonomia Ministerioaren arabera, EAEko udalek 640 milioiko zorra dute, eta foru aldundiek, 1.573 milioikoa.
Zor handiena Bizkaiko Foru Aldundiak dauka (949 milioi); gero, Arabakoak (ia 339) eta Gipuzkoakoak (285).
Udal zorpetuena Gasteizkoa da (140 milioi euro); gero, Donostiakoa (90 milioi). Bilbokoak hiru milioi zor zituen eta dagoeneko kitatu du.