Iban Velasco eta Markel Irizar izango dira Criterium du Dauphinen, ekainaren 5ean hasita (domeka)

Aitzinetapa (5,4 km), erlojupeko luze bat (42,5), bost etapa mendatean bukatuta eta esprinterako aukera bakarra. Hori eskaintzen du aurtengo Dauphinek. Velasco arrasatearrak (Euskaltel) eta Irizar oñatiarrak (RadioShack), Debagoienean ditugun ziklista profesional biek parte hartuko dute. Seguruenik, euren liderrendako egin beharko dute lan, baina Velascok mendiko etaparen baten eta Irizarrek aitzinetapan eta erlojupekoan lan polita egin dezakete. Domekan (hilak 5) Saint-Jean-de-Mauriennen hasi eta astebete geroago (hilak 12) bukatuko da, lehen mailako La Toussuire mendatean. Iaz, Irizarren taldekide Brajkovicek irabazi zuen proba.