Elorregiko biribileko lan horiek amaitu ostean, geratuko da azken lanak egitea. Hain justu ere: Elorregiko biribiletik Arrasterako noranzkoan, trenbide zaharreko lehen tuneleraino; 100 bat metro. Hori egin ostean, Zubillagatik Arrasterainoko bidegorriari azken egokitzapenak egingo dizkiote. Lan horiek, baina, Gipuzkoako Diputazioari dagozkie eta lauzpabost hilabeteren ostean hasiko dituzte. Egitekoen artean, San Prudentzioko bidegurutzean, errepide azpitik zeharkatzeko tunela, besteak beste.
Osterantzean, Epeleko araztegiko lanak amaituta daude eta, esan bezala, azken lanak geratzen zaizkie Zubillagatik araztegira ur zikinak eroateko hoditeria guztia egiteko. Ekainean amaituko dituzte lan horiek Edar-Epele enpresa elkarteko arduradunek aditzera eman dutenez.