Webgune berritua aurkeztu du Etxebizitza Sailak gaur eguerdian, eta Ana Telleria aholkulariak erabiltzaileek dagoeneko gozatu ditzaketen beste berritasun batzuk azaldu ditu: besteak beste, webgunea gaurkotu egin dute; bertan zeuden azalpenak argitu dituzte; zenbait zerbitzutara sartzeko bidea samurtu egin dute; eta gai eta kasuistika berriak sartu dituzte.
Webgunearen helbidea www.etxebide.euskadi.net da, baina lehengo URLa sartuta (www.etxebide.info) ere hara ailegatzen da.
Tramitazioak errazteko bidean
Horrez gain, Telleriaren esanetan, zerbitzu telematikoa hobetzeko eta tramitazioak errazteko lanean dabiltza.
Etxebideren webgunean, datozen etxebizitzen zozketen berri jaso daiteke, norbere espedientea kontsultatu, edo babes ofizialeko etxebizitzak trukatzeko poltsan parte hartu.