Gipuzkoako egoera ekonomikoaren analisia eta enpresaburuei egindako inkestaren emaitzak ere joan den astean aurkeztu zituen Adegik, eta lurraldeko ekonomiaren aurpegia eta gurutzea azaldu ziren.
%21 gehiago esportatu
Hasteko, Zubiaurrek esan zuen honakoa izan zela Adegi sortu zenetik egin duten lehenengo Urteko Batzarra ETAren "estortsioaren mehatxu eta xantai" barik. Hauteskunde osteko giroan, esan zuen Adegik "beharrezkoa" duela "gobernu egonkorra".
Batzarraren eta Adegik egin duen analisiaren edukiei dagokienez, albiste onekin hasi zen Zubiaurre; Adegiren arabera, lehenengo hiruhilabetean 2008an –Gipuzkoako esportazio bolumen handieneko urtea– adina esportatu da, eta %21 handitu dira. Industria jarduera ere bere onera bueltatzen hasi da, %3,5 hazi baita epe horretan. Bi motore horiei esker, aurreko hiruhilabetetik hona %0,3 hazi da Gipuzkoako ekonomia. Adegik uste du BPGa %1 handituko dela aurten, eta urteko bigarren erdian lanpostu garbiak sortzen hasiko dela.