Joseba Egibar GBBko buruak, Markel Olano EAJren ahaldun nagusigaiak eta Eneko Goia Donostiako alkategaiak eman zuten Gipuzkoako EAJren iritzia atzo, hauteskundeak izan eta hiru egunetara.
Gipuzkoako EAJk, era berean, argi utzi du ez dagoela aldez aurretik inor baztertzearen alde, modu honetan PSE-EEk eta PPk aurreko egunetan egindako proposamenei erantzunez. Bestalde, EAJk ez du baztertzen Markel Olano diputatu nagusi izatea, Bilduk, Gipuzkoan irabazi duen koalizioak, baino 8 batzarkide gutxiago lortu dituen arren. "Gobernuan ala oposizioan lanean" segituko dutela esan zuen Egibarrek.
Bilduk "izugarrizko emaitza onak" lortu dituela onartu du Egibarrek, baina, era berean, esan du koalizioaren emaitza on horien arrazoia ez dela izan hauteskundeetarako aurkeztu duen programa, baizik eta ireki den prozesu berriari emandako botoak izan direla.
Azkenik eta esan bezala, Eneko Goiak argi utzi du Odon Elortza ez dela izango Donostiako alkatea, baina ez dun argitu PSE-EEko beste norbait izan daitekeen edo ez.