Hauteskunde osteko erreakzio eta itunak izango dira gaurko solasaldiaren hizpide nagusia eta alderdiak alderdi, guztiek hartu dute ahoan Bilduren garaipena.
Larraitz Ugartek ikuspegi historikoa ez galtzeko eskatu eta gogorarazi du orain hiru aste besterik ez, Bildu legez kanpokotzat jotzeko zeudela eta ondorioz 313.000 herritarren botuak kanpoan uzteko gertu. Martin Garitanok egin bezala, abokatuak ere "magikoa" berba erabili du gertatutakoa laburbiltzeko eta herritarren botua "Estatuari emandako belarrondoko baten moduan" baloratu du. Aintzane Oiarbidek ez du ezkutatu Bilduk jasotako emaitza hain onek harritu dutela nahiz eta "olatua" bazetorrela jakin. Protesta eta erreakzio botua ere izan dela aipatu du EAJko Bergarako zinegotzi berriak. Lore Martinezek gurago izan du protesta barik "ilusio" hitza erabili. Marijo Deograciasek, azkenik, Bilduri emandako babes handia nabarmendu du eta azpimarratu gure ibarrean garbi geratu dela abertzaleena eta ezkertiarrena dela gehingo eta PP eta PSOEren estrategiak azkenean nahi zutenaren kontrakoa lortu duela.
Tertulia osoa ikusgai, gaur 20:45ean Goiena Telebistan.