EHNEren ordezkari Garikoitz Nazabalek gogorarazi zuen Gipuzkoan lau hiltegi daudela, bi pribatuak eta bi publikoak, eta, bere esanetan, horrek dakar "merkatu librearen arauen arabera, elkarren arteko lehia basatiarekin, lekuan lekuko ekoizleak izatea kaltetu bakarrak". Gaineratu zuenez, Gipuzkoako hiltegietan kanpoko okela asko jasotzen da; EHNEren ustez, "kalitate eskasekoak", eta horrek "sakrifizioaren kostean alde izugarria" ekartzen du.
Horrenbestez, kontsortzioaren formula proposatzen dute, eta horko kideak izatea foru aldundiak, Eusko Jaurlaritza, ahalik eta udal gehienak, sindikatuak eta hiltegiak, eta bertako okelaren alde egitea denen artean.