Joan den eguenean izandako ekaitzak bere ondorioak izan ditu, espedizioko kideek azaldu moduan: "Bota zuen elurra dela-eta oso nekagarria da pauso bakoitza ematea, eta trineoak ere ez dabiltza elur gainean erraz, hondoratu egiten dira. Hala, kometa txikiak une batez erabili ahal izan ditugu, baina ez dugu aurrerapen handirik egin, euretako bat konpontzen ibili behar izan gara-eta".
Hala, espedizioko hirukoa dagoeneko 1.250 metroko garaieran dago, eta hotza geroago eta nabariagoa da –goizetan 15 gradu zero azpitik–.
Zapatuan antzera ibili ziren
Egueneko ekaitzaren ostean, BATeko ordezkariak zapatuan komunikatu ziren berriro: "Ez gatz eta ez berakatz, antzera jarraitzen dugu. Hamar kilometroko bidea egiteko asko sufritu behar izan dugu". Aldeko haizea izango duten esperantza ez dute, baina, galdu, hala diote-eta eguraldi iragarpenek.