Debagoieneko Gurutze Gorriak jakinarazi du ezintasunak dituztenek bozkatzera joan ahal izateko zerbitzua eskainiko duela datorren maiatzaren 22an. Interesatuek hilaren 16tik 21era bitartean egin behar dute eskaera (ordutegia: 10:00-18:00) telefono hauetakoren batera deituta: 943 76 55 76 edo 619 00 35 00.
Beste urte batzuetan legez ezintasunak dituztenak bozkatzera eroango ditu Gurutze Gorriak, hala eskatuz gero. Eskaera egin duten horiei aurrez jakinaraziko diete noiz joango diren etxera bila egokitutako automobil batekin. Eta behin bozkatuta berriro etxera itzuliko dituzte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.