Nubi Elkarteak "Maiatza Borrokan" ekimena antolatu du, Euskal Herriko Herri Saharauien Lagunak diren beste elkarte batzuekin batera. Ekimenak Oñati, Arrasate eta Eskoriatzan egingo dira. Hasteko, hilaren 19an, eguena, hitzaldia egingo da Ibarraundi Museoan (Eskoriatza) eta hilaren 26an afari tertulia egingo da Oñatiko Oinarri Elkartean. Azkenik, ekimenarekin amaitzeko, te dastaketa egingo da, The-rtulia izenburupean, Arrasateko Kultur Ateko Jokin Zaitegi gelan.
Lehenengo hitzordua datorren asteko eguenean, hilak 19, jarri du Nubik. Mendabaldeko Sahararen gaur egungo egoera izenburupean hitzaldia egingo da Ibarraundi Museoan, 19:00etan. Hilaren 26an ostera afari tertulia egingo da Oñatiko Oinarri Elkartean, 21:00etan. Horretan Sahararen gaur egungo egoerari buruz berba egingo da. Bertara joan nahi dutenek maiatzaren 23a baino lehen izena eman beharko dute e-postaz (nubielkartea@gmail.com) edo telefonoz (685 72 48 17). Prezioa borondatezkoa izango da.
Azkenik, hilaren 31n, Mendebaldeko Saharari buruz tertulia egingo da Arrasateko Kultur Ateko Jokin Zaitegi gelan, 19:00etan. Tertulia egiteaz gain, bertaratzen direnek te saharauia edateko aukera edukiko dute.
